2 Thessalonians 1
থিচলনীকীয়াৰ মণ্ডলী সমূহে শেষৰকাল আৰু খ্ৰীষ্টৰ দ্বিতীয় আগমনৰ বিষয়ে চিন্তা কৰিছিল, কাৰণ পৌলে ইয়াৰ বিষয়ে যথেষ্ট কথা থিচলনীকীয়াসকললৈ দিয়া পত্রখনত লিখিছে। ‘দ্বিতীয় থিচলনীকীয়া পত্ৰ’ৰ প্রায় অর্ধভাগতেই শেষকালৰ বিষয়ে উল্লেখ আছে। সাধু পৌলে এই পত্ৰত আলস্যৰ বিষয়েও সাৱধান কৰি দিছে। প্রত্যেক ব্যক্তিয়ে নিজৰ আহাৰৰ বাবে পৰিশ্রম কৰা উচিত।চমূ বিৱৰণঃ
- ইয়াত সাধু পৌলে আৰম্ভণীতে নিজকে আৰু তেওঁ সহচৰ সকলক পৰিচয় কৰাইছে (1:1-2)।
- তাৰ পিছত তেওঁ থিচলনীকীত থকা মণ্ডলীসমূহৰ বাবে ঈশ্বৰক ধন্যবাদ দি তেওঁলোকৰ বাবে প্রাৰ্থনা কৰিছে (1:3-12)।
- দ্বিতীয় অধ্যায়ত সাধু পৌলে শেষকালৰ বিষয়ে উল্লেখ কৰিছে।
- তাৰ পিছত তেওঁ আলস্য আৰু পৰিশ্রমৰ প্রয়োজনীয়তাৰ বিষয়ে দোহাৰিছে (3:1-15)
- ইয়াত সাধু পৌলে পুণৰ মণ্ডলী সমূহক সম্ভাষণ জনাই সামৰণী মাৰিছে (3:16-18)।
ঈশ্বৰৰ বিচাৰৰ বিষয়ে পৌলৰ শিক্ষা
5এইবোৰ বিষয় ঈশ্বৰৰ ন্যায় সোধ-বিচাৰৰ এক স্পষ্ট লক্ষণ, যাৰ ফলত ঈশ্বৰৰ যি ৰাজ্যৰ কাৰণে আপোনালোকে দুখভোগ কৰিছে, সেই ৰাজ্যৰ যোগ্যপাত্রৰূপে আপোনালোক গণিত হ’ব। 6ঈশ্বৰৰ দৃষ্টিত ন্যায়-বিচাৰ এই, যি সকলে আপোনালোকক ক্লেশ দিয়ে, তেওঁ সেই সকলক নিশ্চয় ক্লেশ দিব, 7আৰু আপোনালোক যি সকলে এতিয়া ক্লেশ পাইছে, আপোনালোকক আমাৰ লগত ঈশ্বৰে বিশ্রাম দিব। যেতিয়া প্রভু যীচু তেওঁৰ পৰাক্ৰমেৰে দূত সকলৰ সৈতে স্বর্গৰ পৰা নামি আহি প্রকাশিত হ’ব, তেতিয়া এইবোৰ ঘটিব। 8যি সকলে ঈশ্বৰক নাজানে আৰু আমাৰ প্রভু যীচুৰ শুভবার্তাৰ আজ্ঞা পালন নকৰে, সেই লোক সকলক তেওঁ জ্বলন্ত অগ্নিত প্রতিশোধ লব। 9তেওঁলোক প্রভুৰ লগত থকাৰ পৰা আৰু তেওঁৰ পৰাক্রমৰ প্ৰতাপৰ পৰা দূৰৈত থাকি, বিনাশৰ অৰ্থে অনন্ত দণ্ড ভোগ কৰিব। 10সেইদিনা যীচু যেতিয়া নিজৰ পবিত্ৰ লোক সকলৰ দ্বাৰা মহিমাম্বিত হবলৈ আহিব, তেতিয়া বিশ্বাস কৰা সকলোৱে আচৰিত হ’ব; আপোনালোকো সেই বিশ্বাসী সকলৰ মাজত আছে, কাৰণ আপোনালোকে আমাৰ সাক্ষ্য বিশ্বাস কৰিলে। 11এই কাৰণে আমিও আপোনালোকৰ বাবে সদায় প্রার্থনা কৰি থাকো, যাতে আমাৰ ঈশ্বৰে আপোনালোকক তেওঁৰ আমন্ত্রণৰ যোগ্যপাত্র বুলি গণ্য কৰিব৷ তাতে তেওঁৰ শক্তিত আপোনালোকে যেন মঙ্গলভাৱেৰে সকলো ভাল কাম কৰাৰ ইচ্ছা আৰু বিশ্বাসৰ প্রতিটো কার্য যেন সম্পূর্ণ কৰে; আমাৰ ঈশ্বৰ আৰু প্রভু যীচু খ্রীষ্টৰ অনুগ্রহ অনুসাৰে আমাৰ প্রভু যীচুৰ নাম যেন আপোনালোকৰ দ্বাৰাই মহিমাম্বিত হয় আৰু আপোনালোকো তেওঁত মহিমান্বিত হওক। 12
Copyright information for
AsmULB